Litratong Pinoy 3: Kinagisnan

by Tanchi | 6:28 PM in Photography, Pinoy Articles |

(paksa: kinagisnan)

Ngayon lang ulit akong nakapagpost, at pakiramdam ko'y matagal-tagal na rin yung nakaraang article ko.Bagong linggo na naman ng paglalahok sa litratong pinoy, at sa tingin ko'y medyo nahihirapan ako sa paksang "KINAGISNAN", malimit ng gumana ang utak ko, ngunit hindi ito katwiran upang hindi ako makakalahok sa linggong ito.

KINAGISNAN

May kahulugan ang mga napili kong paksa para sa litratong, halintulad ng mga tinidor at kutsarang nakalatag. Bilang pinoy, natutunan ko sa aking tahanan ang pagpapahalaga sa pagkain at pagkakaroon ng "table manners". Isa pang konsepto ang aking naipapahayag sa litratong nasa taas. Lumaki akong buo ang pamilya at nakasanayan ko na ang sabay-sabay na naghahapunan sa hapag-kainan, kaya naisipan kong isimbolo ito.

Isa pang nailalaang konsepto ang mga baryang nasa alkansya. Nuong bata pa ako, lubos ang aking kaligayahan pag ako ay nabibigyan ng limang piso. Inosente pa nga. Sa paglaki ko, naisipan kong mag-ipon, marami akong gusto mabili, mga makamundong bagay, ngunit pinag-iipunan ko ang mga ito.

Araw-araw rin tayong gumagamit ng barya upang may maisukli, maibabayad, at maipambibili. Lahat ay nangangailangan nito, naisipan kong salat na sa pera ang Pilipinas, dahil marami ang hindi marunong gumamit ng mga likas na yaman ang bansa.

Maligayang LP sa lahat ng kalahok.

 

20 comments:

1. Ibyang on November 12, 2008 at 8:27 PM

   ang ganda ng mga litrato mo at ang kalakip na mensahe nito :)

    
2. fortuitous faery on November 12, 2008 at 8:31 PM

   nakakalungkot isipin na hindi lahat ng pamilya ngayon ay kumakain ng sabay, so mapalad kang lumaking kumpleto kayo sa hapag-kainan. one of life's simple yet priceless pleasures. :)

    
3. Marites on November 12, 2008 at 9:11 PM

   ang galing ng lahok mo sa LP na nagsisimbolo ng kulturang Pinoy :) sang-ayon ako na marami sa pinoy ang hindi marunong gumamit ng ating likaw na yaman..karamihan pa nga'y inaabuso pa.

    
4. Anonymous on November 12, 2008 at 10:26 PM

   Nakakalungkot man pero huling pagsasalo-salo ng pamilya ko sa hapag-kainan ay 20 years ago na...sigh*
   
   gusto ko ang kuha ng kubyertos, maganda!

    
5. Sreisaat on November 13, 2008 at 12:42 AM

   Napaka-makahulugan nga ng iyong lahok ngayong linggo - malalim! Maganda nga ang kuha mo sa kubyertos! Alam mo, dito sa Cambodia, walang barya! Ang 50 at 100 riels (katumbas ng humigit-kumulang sa singkwenta sentimos at piso) ay papel. Nakaka-aliw parang play money :)

    
6. Anonymous on November 13, 2008 at 1:44 AM

   ang galing mo kumuha ng litrato. paborito ko yun litrato ng mga kutsara't tinidor. simpleng simple lang pero maraming kwento na ang napapamahagi!

    
7. Anonymous on November 13, 2008 at 3:58 AM

   ang pagsalu-salo sa hapagkainan ay napakaimportante sa pagbuo ng pamilya :)

    
8. raqgold on November 13, 2008 at 5:00 AM

   naalala ko yung panganay ko nung nagpunta kami sa macapagal para kumain -- biglang nawalan ng gana kasi daw basa pa yung mga kubyertos :)

    
9. ian on November 13, 2008 at 5:58 AM

   panalo ang mga perspektiba, ng mga larawan at ng manunulat =] salamat sa pagbabahagi!

    
10. JO on November 13, 2008 at 7:08 AM

    maligayang huwebes!
    
    Eto ang aking lahok. Salamat.

     
11. Joy on November 13, 2008 at 1:21 PM

    Ganyan din ang kinagisnan ko - ang maghapunan nang sabay-sabay.
    
    Ganda ng mga lahok mo! Salamat sa pagdalaw sa LP ko.

     
12.  gmirage on November 13, 2008 at 2:07 PM

    Ang galing ng mensahe sa unang litrato, salusalong mga kubyertos!
    
    Ang barya natin kamukha na pala ng euro...di ko na kasi maalala kung naabutan ko yan lol.

     
13. Anonymous on November 13, 2008 at 9:56 PM

    very nice photos! paborito ko yung alkansiya. :D
    
    happy LP!

     
14. Frances Baja on November 14, 2008 at 1:21 AM

    wowowoW!!!
    magicKUBYERTOS!!
    =D may nasaling plastic!
    
    vintage style ah?

     
15. Jes on November 14, 2008 at 2:52 AM

    aus ng kuha ng mga kubyertos. may kwentong nais na ibahagi. (:

     
16. Anonymous on November 14, 2008 at 4:53 AM

    I like the one with the spoons...galing!

     
17. Anonymous on November 14, 2008 at 8:11 AM

    Ganda ng mga kuha!nalala ko yung nag iisa kong kapatid noong ako HS pa sya naman nasa grade school,lagi kong nauuto sa barya,papalitan ko yung sampong piso ng limang piso na barya, tayp naman kasi daw mas marami at malalagay nya sa alkansya.Kala nya kasi barya lang ang pede ilagay lol
    
    btw,salamat sa pagdaan sa aking e kubo!:)

     
18. Anonymous on November 14, 2008 at 4:31 PM

    natuwa ako sa larawan ng kutsara at tinidor...naalaala ko ang aming mga kubyertos noon. ito'y gaya din niyan, iba iba na di na pares pares ngunit patuloy naming ginagamit dahil sa maayos pa naman.
    
    sana po'y madalaw nyo din ang aking mga lahok sa: Reflexes at Living In Australia

     
19. Anonymous on November 14, 2008 at 9:39 PM

    nice tanchi... good capture... :)

     
20. Anonymous on November 25, 2008 at 10:48 PM

    ang ganda ng iyong mga lahok na larawan at gayun din ang mga katagang kasama ng mga ito. :)

     

Post a Comment

What do you think? Speak your mind.